United Sisterhood Alliance

សមាគមមណ្ឌលព័ត៌មានកម្មករ

សមាគមមណ្ឌលព័ត៌មានកម្មករ (WIC) គឺជាសមាគមដែលផ្អែកលើកម្លាំងកម្មករកាត់ដេរជាស្ត្រី និងត្រូវបានចុះបញ្ជីនៅក្រសួងមហាផ្ទៃ (MOI) ក្នុងឆ្នាំ២០០៩។ WIC បានលេចចេញពីគម្រោងរបស់អង្គការកម្មវិធីស្ត្រីដើម្បីការផ្លាស់ប្តូរ (WAC) ដែលមានឈ្មោះថា គម្រោងពង្រឹងសិទ្ធិអំណាចកម្មករកាត់ដេរ។ WIC គាំទ្រស្ត្រីជាកម្មករកាត់ដេរក្នុងការតស៊ូមតិ និងការធ្វើឱ្យសម្រេចបាននូវសិទ្ធិរបស់ពួកគេ។ យុទ្ធសាស្ត្ររយៈពេលវែងរបស់ WIC ផ្តោតលើការកសាង និងពង្រឹងចលនារបស់កម្មករកាត់ដេរ ដើម្បីឈានទៅសម្រេចបាននូវភាពជាអ្នកដឹកនាំដែលមានគណនេយ្យភាព និងស្របច្បាប់នៅក្នុងវិស័យនេះ ដែលអាចឆ្លើយតបទៅនឹងសិទ្ធិ និងតម្រូវការរបស់កម្មករជាស្ត្រី។ WIC ស្វែងរកការបង្កើតលំហសម្រាប់ស្ត្រីដើម្បីក្លាយជាអ្នកដឹកនាំក្នុងវិស័យកាត់ដេរ និងសហជីព និងដើម្បីឱ្យសំឡេងរបស់ស្ត្រីត្រូវបានគេស្តាប់ឮ និងឆ្លើយតប ទាំងនៅកម្រិតថ្នាក់ជាតិ តំបន់ និងអន្តរជាតិ។ ដើម្បីឈានទៅសម្រេចយុទ្ធសាស្ត្រនេះ កិច្ចខិតខំប្រឹងប្រែងរបស់ WIC គឺផ្តោតលើការចាត់តាំង និងការពង្រឹងសិទ្ធិអំណាច ដោយផ្តល់នូវលំហដែលស្ត្រីអាចជួបប្រជុំគ្នា ដើម្បីពិភាក្សាអំពីបញ្ហានៅកន្លែងធ្វើការ រៀបចំផែនការសកម្មភាពរួមគ្នា និងស្វែងរកសេវាកម្មព្រមទាំងការគាំទ្រយ៉ាងទូលំទូលាយ។ មណ្ឌលសំចត របស់ WIC ផ្តល់នូវទីតាំងប្រកបដោយសុវត្ថិភាពសម្រាប់កម្មករជាស្ត្រីក្នុងការមកជួបជុំគ្នា ដើម្បីកសាងចំណេះដឹង ទំនុកចិត្ត និងអំណាច។ មណ្ឌលសំចតទាំងនេះ ក៏ផ្តល់នូវការទទួលបានសេវាសំខាន់ៗផងដែរ ដូចជា ការថែទាំសុខភាព ជំនួយផ្លូវច្បាប់ និងឱកាសនៃការបណ្តុះបណ្តាល។ តាមរយៈការចុះអប់រំផ្សព្វផ្សាយ ការបណ្តុះបណ្តាល វេទិកា និងការផ្លាស់ប្តូរបទពិសោធន៍ WIC គាំទ្រស្ត្រីជាកម្មករកាត់ដេរឱ្យទទួលបានព័ត៌មាន និងមានការចាត់តាំងត្រឹមត្រូវ។ វិធីសាស្ត្រដែលត្រូវបានយកមកអនុវត្ត គឺជាវិធីសាស្ត្រនៃការពង្រឹងសិទ្ធិអំណាច។ WIC ស្វែងរកការបំពាក់បំប៉នកម្មករជាស្ត្រីនូវជំនាញ ចំណេះដឹង និងព័ត៌មាន ដើម្បីរួមគ្នាលើកកម្ពស់ការសម្រេចបាននូវសិទ្ធិនៅកន្លែងធ្វើការ ឋានៈ និងភាពជាអ្នកដឹកនាំ។ WIC ក៏ធ្វើការជាមួយបណ្តាញការងារ សហជីព អង្គការច្បាប់ និងសិទ្ធិមនុស្ស ដែលមានទំនាក់ទំនងជិតស្និទ្ធជាមួយស្ថាប័នរដ្ឋាភិបាល (ដូចជាក្រសួងការងារ) និងអ្នកបញ្ជាទិញផងដែរ ដើម្បីទទួលបានការគាំទ្រពីពួកគេក្នុងការកែលម្អលក្ខខណ្ឌការងារ។ WIC ធ្វើការជាចម្បងជាមួយស្ត្រីវ័យក្មេងដែលបម្រើការងារនៅតាមរោងចក្រកាត់ដេរនៅកម្ពុជា។ ប្រាក់ឈ្នួលទាប លក្ខខណ្ឌការងារប្រកបដោយគ្រោះថ្នាក់ ការបៀតបៀនផ្លូវភេទ ការរើសអើង កិច្ចសន្យាការងាររយៈពេលខ្លី និងការផ្តល់របបសន្តិសុខសង្គមមានកម្រិត គឺជាសញ្ញាសម្គាល់នៃឧស្សាហកម្មកាត់ដេរនៅកម្ពុជា។ ទោះបីជាមានការអនុវត្ត «គម្រោងរោងចក្រកាន់តែប្រសើរនៅកម្ពុជា» (Better Factories Cambodia Project) ដែលត្រួតពិនិត្យដោយអង្គការពលកម្មអន្តរជាតិ (ILO) ក៏ដោយ ក៏លក្ខខណ្ឌការងារនៅក្នុងរោងចក្រកាត់ដេរនៅកម្ពុជា នៅតែមានភាពទន់ខ្សោយនៅឡើយ។ ស្ត្រីនៅក្នុងរោងចក្រកាត់ដេរ បានចូលរួមចំណែកយ៉ាងច្រើនដល់កំណើនសេដ្ឋកិច្ចរបស់កម្ពុជា ប៉ុន្តែជារឿយៗពួកគេនៅតែទទួលរងការផាត់ចេញ គ្មានតំណាង គ្មានភាពជាអ្នកដឹកនាំ ឬគ្មានសំឡេងក្នុងការសម្រេចចិត្តនានាដែលប៉ះពាល់ដល់ជីវិតរបស់ពួកគេ។ WIC គឺជាសមាជិកនៃសម្ព័ន្ធបងប្អូនស្រី (United Sisterhood Alliance - Us)។ «Us» គឺជាសមាជិកសម្ព័ន្ធក្នុងចំណោមស្ថាប័នចំនួនបួន ដែលបានវិវត្តពីអង្គការមួយដែលត្រូវបានបង្កើតឡើងក្នុងឆ្នាំ១៩៩៩ គឺអង្គការរបៀបវារៈស្ត្រីដើម្បីការផ្លាស់ប្តូរ (WAC)។ សមាជិកផ្សេងទៀតនៃ «Us» រួមមាន៖ អង្គការបណ្តាញការងារស្ត្រីរួបរួមគ្នា(WNU) ដែលជាធ្វើការងារជាមួយអ្នកប្រកបរបរផ្លូវភេទ, ក្រុមតន្ត្រីយុវវ័យនាំសារ (MB) ដែលជាក្រុមអតីតកម្មករកាត់ដេរ, និងសកម្មភាពសង្គមដើម្បីការផ្លាស់ប្តូរ (SAC) ដែលជាក្រុមសកម្មជនគាំទ្រដល់ការកៀរគរ និងសកម្មភាពប្រជាធិបតេយ្យនៅថ្នាក់មូលដ្ឋានក្នុងប្រទេសកម្ពុជា។ ព័ត៌មានបន្ថែម៖ http://www.unitedsisterhood.org ទស្សនវិស័យ សំឡេងរួមរបស់កម្មការិនីកាត់ដេរ ដើម្បីទាមទារយុត្តិធម៌សេដ្ឋកិច្ច និងសង្គម សិទ្ធិមនុស្ស និងសិទ្ធិទទួលបានការថែទាំសុខភាព និងការព្យាបាលសមរម្យ ព្រមទាំងលក្ខខណ្ឌរស់នៅប្រកបដោយសេចក្តីថ្លៃថ្នូរ។ បេសកកម្ម ការពង្រឹងសិទ្ធិអំណាចកម្មការិនី ដើម្បីកសាងការយល់ដឹង គំនិត និងការវិភាគរួមរបស់ពួកគេ ព្រមទាំងជំរុញការចូលរួមដោយធានាថាសេចក្តីសម្រេចរបស់កម្មករ-កម្មការិនី ត្រូវបានធ្វើឡើងដោយការឯកភាព និងជាមតិរួម។ គុណតម្លៃ សមាគមមណ្ឌលព័ត៌មានកម្មករជឿជាក់ថា សិទ្ធិកម្មករគឺជាសិទ្ធិមនុស្ស។ យើងជឿជាក់ថា ក្នុងជំហានមួយឆ្ពោះទៅរកការផ្លាស់ប្តូរផ្នែកសេដ្ឋកិច្ច នយោបាយ និងសង្គមសម្រាប់កម្មការិនី-កម្មករកាត់ដេរ ការលេចចេញនូវចលនាកម្មករជាស្ត្រីដ៏រឹងមាំ គឺជារឿងដ៏មានសារៈសំខាន់បំផុត។ ហេតុដូច្នេះហើយ មណ្ឌលព័ត៌មានកម្មករប្តេជ្ញាដាក់ថាមពល និងពេលវេលារបស់ខ្លួនទៅលើការកសាង និងការពង្រឹងសិទ្ធិអំណាចកម្មករកាត់ដេរជាស្ត្រី ដើម្បីបង្កើតឱ្យមានសំឡេងរួមមួយ។ គោលដៅ * បង្កើនសមធម៌ និងសមភាពយេនឌ័រ ដោយជំរុញឱ្យកម្មការិនីដើរតួនាទីជាអ្នកដឹកនាំនៅក្នុងសហជីព និង/ឬ សហព័ន្ធនៅក្នុងសង្គមកម្ពុជា។ * កែលម្អលក្ខខណ្ឌការងារ និងប្រាក់ឈ្នួលសមរម្យ ដែលធានាថាសិទ្ធិ និងអត្ថប្រយោជន៍របស់កម្មករជាស្ត្រីត្រូវបានគោរព និងការពារយ៉ាងពេញលេញ។ * បង្កើតសំឡេងរួមរបស់កម្មករកាត់ដេរជាស្ត្រី ក្នុងការតស៊ូមតិដើម្បីកែលម្អសេវាសង្គម និងការគាំពារសង្គម (ជាពិសេសគ្របដណ្តប់លើសិទ្ធិទទួលបានសេវាថែទាំសុខភាពសមរម្យ និងលក្ខខណ្ឌរស់នៅប្រកបដោយសេចក្តីថ្លៃថ្នូរ) សម្រាប់កម្មករកាត់ដេរជាស្ត្រី។ គោលបំណង * ពង្រឹងសិទ្ធិអំណាចកម្មករកាត់ដេរ តាមរយៈការកសាង និងការផ្តល់ទីតាំងសុវត្ថិភាព ដែលកម្មករកាត់ដេរអាចទទួលបានចំណេះដឹង និងអំណាច ព្រមទាំងទទួលបានសេវាប្រឹក្សាយោបល់ បណ្តាញដៃគូរ ការបណ្តុះបណ្តាល ការថែទាំសុខភាពជាមូលដ្ឋាន និងការផ្តល់ប្រឹក្សាផ្នែកច្បាប់ ឆ្ពោះទៅរកការកែលម្អការចូលរួមរបស់កម្មករកាត់ដេរនៅក្នុងសកម្មភាពរួមគ្នារបស់កម្មករ និងសកម្មភាពរួមគ្នាក្នុងសង្គម។ * តស៊ូមតិ និងធ្វើការឆ្ពោះទៅរកសមភាព និងសមធម៌យេនឌ័រ តាមរយៈការលើកកម្ពស់ និងគាំទ្រកម្មករជាស្ត្រីឱ្យចាប់យកតួនាទីជាអ្នកដឹកនាំ ដើម្បីលើកស្ទួយសិទ្ធិរបស់កម្មករជាស្ត្រី និងសិទ្ធិទទួលបានសេវាសង្គម និងការគាំពារសង្គម។ * កសាងទំនុកចិត្តរបស់កម្មករក្នុងការតស៊ូមតិ ដើម្បីកែលម្អលក្ខខណ្ឌការងារ និងប្រាក់ឈ្នួលសមរម្យ ព្រមទាំងផលិត ឬផ្តល់លទ្ធភាពទទួលបាននូវសម្ភារៈនានាដើម្បីគាំទ្រដល់ការតស៊ូមតិនេះ។

សមាគមមណ្ឌលព័ត៌មានកម្មករ (WIC) គឺជាសមាគមដែលផ្អែកលើកម្លាំងកម្មករកាត់ដេរជាស្ត្រី និងត្រូវបានចុះបញ្ជីនៅក្រសួងមហាផ្ទៃ (MOI) ក្នុងឆ្នាំ២០០៩។ WIC បានលេចចេញពីគម្រោងរបស់អង្គការកម្មវិធីស្ត្រីដើម្បីការផ្លាស់ប្តូរ (WAC) ដែលមានឈ្មោះថា គម្រោងពង្រឹងសិទ្ធិអំណាចកម្មករកាត់ដេរ។

WIC គាំទ្រស្ត្រីជាកម្មករកាត់ដេរក្នុងការតស៊ូមតិ និងការធ្វើឱ្យសម្រេចបាននូវសិទ្ធិរបស់ពួកគេ។ យុទ្ធសាស្ត្ររយៈពេលវែងរបស់ WIC ផ្តោតលើការកសាង និងពង្រឹងចលនារបស់កម្មករកាត់ដេរ ដើម្បីឈានទៅសម្រេចបាននូវភាពជាអ្នកដឹកនាំដែលមានគណនេយ្យភាព និងស្របច្បាប់នៅក្នុងវិស័យនេះ ដែលអាចឆ្លើយតបទៅនឹងសិទ្ធិ និងតម្រូវការរបស់កម្មករជាស្ត្រី។ WIC ស្វែងរកការបង្កើតលំហសម្រាប់ស្ត្រីដើម្បីក្លាយជាអ្នកដឹកនាំក្នុងវិស័យកាត់ដេរ និងសហជីព និងដើម្បីឱ្យសំឡេងរបស់ស្ត្រីត្រូវបានគេស្តាប់ឮ និងឆ្លើយតប ទាំងនៅកម្រិតថ្នាក់ជាតិ តំបន់ និងអន្តរជាតិ។

ដើម្បីឈានទៅសម្រេចយុទ្ធសាស្ត្រនេះ កិច្ចខិតខំប្រឹងប្រែងរបស់ WIC គឺផ្តោតលើការចាត់តាំង និងការពង្រឹងសិទ្ធិអំណាច ដោយផ្តល់នូវលំហដែលស្ត្រីអាចជួបប្រជុំគ្នា ដើម្បីពិភាក្សាអំពីបញ្ហានៅកន្លែងធ្វើការ រៀបចំផែនការសកម្មភាពរួមគ្នា និងស្វែងរកសេវាកម្មព្រមទាំងការគាំទ្រយ៉ាងទូលំទូលាយ។ មណ្ឌលសំចត របស់ WIC ផ្តល់នូវទីតាំងប្រកបដោយសុវត្ថិភាពសម្រាប់កម្មករជាស្ត្រីក្នុងការមកជួបជុំគ្នា ដើម្បីកសាងចំណេះដឹង ទំនុកចិត្ត និងអំណាច។ មណ្ឌលសំចតទាំងនេះ ក៏ផ្តល់នូវការទទួលបានសេវាសំខាន់ៗផងដែរ ដូចជា ការថែទាំសុខភាព ជំនួយផ្លូវច្បាប់ និងឱកាសនៃការបណ្តុះបណ្តាល។

តាមរយៈការចុះអប់រំផ្សព្វផ្សាយ ការបណ្តុះបណ្តាល វេទិកា និងការផ្លាស់ប្តូរបទពិសោធន៍ WIC គាំទ្រស្ត្រីជាកម្មករកាត់ដេរឱ្យទទួលបានព័ត៌មាន និងមានការចាត់តាំងត្រឹមត្រូវ។ វិធីសាស្ត្រដែលត្រូវបានយកមកអនុវត្ត គឺជាវិធីសាស្ត្រនៃការពង្រឹងសិទ្ធិអំណាច។ WIC ស្វែងរកការបំពាក់បំប៉នកម្មករជាស្ត្រីនូវជំនាញ ចំណេះដឹង និងព័ត៌មាន ដើម្បីរួមគ្នាលើកកម្ពស់ការសម្រេចបាននូវសិទ្ធិនៅកន្លែងធ្វើការ ឋានៈ និងភាពជាអ្នកដឹកនាំ។ WIC ក៏ធ្វើការជាមួយបណ្តាញការងារ សហជីព អង្គការច្បាប់ និងសិទ្ធិមនុស្ស ដែលមានទំនាក់ទំនងជិតស្និទ្ធជាមួយស្ថាប័នរដ្ឋាភិបាល (ដូចជាក្រសួងការងារ) និងអ្នកបញ្ជាទិញផងដែរ ដើម្បីទទួលបានការគាំទ្រពីពួកគេក្នុងការកែលម្អលក្ខខណ្ឌការងារ។

WIC ធ្វើការជាចម្បងជាមួយស្ត្រីវ័យក្មេងដែលបម្រើការងារនៅតាមរោងចក្រកាត់ដេរនៅកម្ពុជា។ ប្រាក់ឈ្នួលទាប លក្ខខណ្ឌការងារប្រកបដោយគ្រោះថ្នាក់ ការបៀតបៀនផ្លូវភេទ ការរើសអើង កិច្ចសន្យាការងាររយៈពេលខ្លី និងការផ្តល់របបសន្តិសុខសង្គមមានកម្រិត គឺជាសញ្ញាសម្គាល់នៃឧស្សាហកម្មកាត់ដេរនៅកម្ពុជា។ ទោះបីជាមានការអនុវត្ត «គម្រោងរោងចក្រកាន់តែប្រសើរនៅកម្ពុជា» (Better Factories Cambodia Project) ដែលត្រួតពិនិត្យដោយអង្គការពលកម្មអន្តរជាតិ (ILO) ក៏ដោយ ក៏លក្ខខណ្ឌការងារនៅក្នុងរោងចក្រកាត់ដេរនៅកម្ពុជា នៅតែមានភាពទន់ខ្សោយនៅឡើយ។ ស្ត្រីនៅក្នុងរោងចក្រកាត់ដេរ បានចូលរួមចំណែកយ៉ាងច្រើនដល់កំណើនសេដ្ឋកិច្ចរបស់កម្ពុជា ប៉ុន្តែជារឿយៗពួកគេនៅតែទទួលរងការផាត់ចេញ គ្មានតំណាង គ្មានភាពជាអ្នកដឹកនាំ ឬគ្មានសំឡេងក្នុងការសម្រេចចិត្តនានាដែលប៉ះពាល់ដល់ជីវិតរបស់ពួកគេ។

WIC គឺជាសមាជិកនៃសម្ព័ន្ធបងប្អូនស្រី (United Sisterhood Alliance - Us)។ «Us» គឺជាសមាជិកសម្ព័ន្ធក្នុងចំណោមស្ថាប័នចំនួនបួន ដែលបានវិវត្តពីអង្គការមួយដែលត្រូវបានបង្កើតឡើងក្នុងឆ្នាំ១៩៩៩ គឺអង្គការរបៀបវារៈស្ត្រីដើម្បីការផ្លាស់ប្តូរ (WAC)។ សមាជិកផ្សេងទៀតនៃ «Us» រួមមាន៖ អង្គការបណ្តាញការងារស្ត្រីរួបរួមគ្នា(WNU) ដែលជាធ្វើការងារជាមួយអ្នកប្រកបរបរផ្លូវភេទ, ក្រុមតន្ត្រីយុវវ័យនាំសារ (MB) ដែលជាក្រុមអតីតកម្មករកាត់ដេរ, និងសកម្មភាពសង្គមដើម្បីការផ្លាស់ប្តូរ (SAC) ដែលជាក្រុមសកម្មជនគាំទ្រដល់ការកៀរគរ និងសកម្មភាពប្រជាធិបតេយ្យនៅថ្នាក់មូលដ្ឋានក្នុងប្រទេសកម្ពុជា។ ព័ត៌មានបន្ថែម៖ http://www.unitedsisterhood.org

ទស្សនវិស័យ 
សំឡេងរួមរបស់កម្មការិនីកាត់ដេរ ដើម្បីទាមទារយុត្តិធម៌សេដ្ឋកិច្ច និងសង្គម សិទ្ធិមនុស្ស និងសិទ្ធិទទួលបានការថែទាំសុខភាព និងការព្យាបាលសមរម្យ ព្រមទាំងលក្ខខណ្ឌរស់នៅប្រកបដោយសេចក្តីថ្លៃថ្នូរ។

បេសកកម្ម 
ការពង្រឹងសិទ្ធិអំណាចកម្មការិនី ដើម្បីកសាងការយល់ដឹង គំនិត និងការវិភាគរួមរបស់ពួកគេ ព្រមទាំងជំរុញការចូលរួមដោយធានាថាសេចក្តីសម្រេចរបស់កម្មករ-កម្មការិនី ត្រូវបានធ្វើឡើងដោយការឯកភាព និងជាមតិរួម។

គុណតម្លៃ 
សមាគមមណ្ឌលព័ត៌មានកម្មករជឿជាក់ថា សិទ្ធិកម្មករគឺជាសិទ្ធិមនុស្ស។ យើងជឿជាក់ថា ក្នុងជំហានមួយឆ្ពោះទៅរកការផ្លាស់ប្តូរផ្នែកសេដ្ឋកិច្ច នយោបាយ និងសង្គមសម្រាប់កម្មការិនី-កម្មករកាត់ដេរ ការលេចចេញនូវចលនាកម្មករជាស្ត្រីដ៏រឹងមាំ គឺជារឿងដ៏មានសារៈសំខាន់បំផុត។ ហេតុដូច្នេះហើយ មណ្ឌលព័ត៌មានកម្មករប្តេជ្ញាដាក់ថាមពល និងពេលវេលារបស់ខ្លួនទៅលើការកសាង និងការពង្រឹងសិទ្ធិអំណាចកម្មករកាត់ដេរជាស្ត្រី ដើម្បីបង្កើតឱ្យមានសំឡេងរួមមួយ។

គោលដៅ 
* បង្កើនសមធម៌ និងសមភាពយេនឌ័រ ដោយជំរុញឱ្យកម្មការិនីដើរតួនាទីជាអ្នកដឹកនាំនៅក្នុងសហជីព និង/ឬ សហព័ន្ធនៅក្នុងសង្គមកម្ពុជា។

* កែលម្អលក្ខខណ្ឌការងារ និងប្រាក់ឈ្នួលសមរម្យ ដែលធានាថាសិទ្ធិ និងអត្ថប្រយោជន៍របស់កម្មករជាស្ត្រីត្រូវបានគោរព និងការពារយ៉ាងពេញលេញ។

* បង្កើតសំឡេងរួមរបស់កម្មករកាត់ដេរជាស្ត្រី ក្នុងការតស៊ូមតិដើម្បីកែលម្អសេវាសង្គម និងការគាំពារសង្គម (ជាពិសេសគ្របដណ្តប់លើសិទ្ធិទទួលបានសេវាថែទាំសុខភាពសមរម្យ និងលក្ខខណ្ឌរស់នៅប្រកបដោយសេចក្តីថ្លៃថ្នូរ) សម្រាប់កម្មករកាត់ដេរជាស្ត្រី។

គោលបំណង 
* ពង្រឹងសិទ្ធិអំណាចកម្មករកាត់ដេរ តាមរយៈការកសាង និងការផ្តល់ទីតាំងសុវត្ថិភាព ដែលកម្មករកាត់ដេរអាចទទួលបានចំណេះដឹង និងអំណាច ព្រមទាំងទទួលបានសេវាប្រឹក្សាយោបល់ បណ្តាញដៃគូរ ការបណ្តុះបណ្តាល ការថែទាំសុខភាពជាមូលដ្ឋាន និងការផ្តល់ប្រឹក្សាផ្នែកច្បាប់ ឆ្ពោះទៅរកការកែលម្អការចូលរួមរបស់កម្មករកាត់ដេរនៅក្នុងសកម្មភាពរួមគ្នារបស់កម្មករ និងសកម្មភាពរួមគ្នាក្នុងសង្គម។

* តស៊ូមតិ និងធ្វើការឆ្ពោះទៅរកសមភាព និងសមធម៌យេនឌ័រ តាមរយៈការលើកកម្ពស់ និងគាំទ្រកម្មករជាស្ត្រីឱ្យចាប់យកតួនាទីជាអ្នកដឹកនាំ ដើម្បីលើកស្ទួយសិទ្ធិរបស់កម្មករជាស្ត្រី និងសិទ្ធិទទួលបានសេវាសង្គម និងការគាំពារសង្គម។

* កសាងទំនុកចិត្តរបស់កម្មករក្នុងការតស៊ូមតិ ដើម្បីកែលម្អលក្ខខណ្ឌការងារ និងប្រាក់ឈ្នួលសមរម្យ ព្រមទាំងផលិត ឬផ្តល់លទ្ធភាពទទួលបាននូវសម្ភារៈនានាដើម្បីគាំទ្រដល់ការតស៊ូមតិនេះ។

សកម្មភាពសង្គមដើម្បីសហគមន៍ និងការអភិវឌ្ឍន៍

អង្គការសកម្មភាពសង្គមដើម្បីសហគមន៍ និងការអភិវឌ្ឍ (SACD) ដែលពីមុនមានឈ្មោះថា សកម្មភាពសង្គមដើម្បីការផ្លាស់ប្តូរ (SAC) ត្រូវបានបង្កើតឡើងរួមគ្នានៅក្នុងឆ្នាំ២០០៩ បន្ទាប់ពីការបញ្ចប់នៃកម្មវិធីស្ត្រីដើម្បីការផ្លាស់ប្តូរ (WAC)។ គម្រោងរបស់ WAC ជាចម្បងបានផ្តោតលើការផ្លាស់ប្តូរគម្រោងការពង្រឹងសិទ្ធិអំណាចស្ត្រី និងគម្រោងសកលភាវូបនីយកម្ម និងការវិវត្តន៍ទៅជាសកម្មភាព និងអង្គការឯករាជ្យដែលដឹកនាំដោយប្រជាកសិករ និងស្ត្រីនៅថ្នាក់មូលដ្ឋាន។ អង្គការទាំងនេះបានវិវត្តន៍ខ្លួនជាបន្តបន្ទាប់រហូតបង្កើតបានជា សម្ព័ន្ធបងប្អូនស្រី(Us)។

អង្គការបណ្តាញស្ត្រីរួបរួមគ្នា

ជាបណ្តាញដែលធ្វើការដើម្បីគាំទ្រ និងការពារសិទ្ធិអ្នកបម្រើសេវាកម្សាន្ត (Sex Workers)។ ស្ថាប័ននេះជួយរៀបចំបណ្តាញសហគមន៍ ផ្តល់ប្រឹក្សាយោបល់ និងតស៊ូមតិដើម្បីឱ្យអ្នកបម្រើសេវាកម្សាន្តទទួលបានសេវាគាំពារសង្គម សេវាសុខភាព ព្រមទាំងរួចផុតពីអំពើហិង្សា និងការរើសអើងគ្រប់ទម្រង់។

ក្រុមតន្ត្រីយុវវ័យនាំសារ

ក្រុមតន្ត្រីយុវវ័យនាំសារ (MB) គឺជាក្រុមតន្ត្រីសកម្មជនស្ត្រីសុទ្ធ ដែលភាគច្រើនជាអតីតកម្មការិនីរោងចក្រ។ ពួកគេប្រើប្រាស់សិល្បៈនិងចម្រៀង ដើម្បីឆ្លុះបញ្ចាំងពីការលំបាក និងការតស៊ូរបស់កម្មកររោងចក្រ អ្នកបម្រើសេវាកម្សាន្ត កសិករ និងស្ត្រីក្រីក្រ។ បទចម្រៀងរបស់ពួកគេមានគោលបំណងលើកកម្ពស់ការយល់ដឹងពីសិទ្ធិការងារ ប្រាក់ឈ្នួលសមរម្យ និងទាមទារយុត្តិធម៌សង្គម។

សម្ព័ន្ធបងប្អូនស្រី