សម្ព័ន្ធបងប្អូនស្រី (United Sisterhood Alliance) គឺជាក្រុមការងារសង្គមចំនួនបួនស្ថាប័ន ស្ថិតនៅក្នុងប្រទេសកម្ពុជា។ សម្ព័ន្ធបងប្អូនស្រី នេះមានប្រវត្តិ និងវិវត្តចេញពីអង្គការមួយដែលត្រូវបានបង្កើតឡើងក្នុងឆ្នាំ១៩៩៩ មានឈ្មោះថា កម្មវិធីស្ត្រីដើម្បីការផ្លាស់ប្តូរ (WAC)។ ពួកគេធ្វើការជាក្រុមអង្គការរួមគ្នា ដែលប្តេជ្ញាចិត្តក្នុងការដោះស្រាយតម្រូវការរបស់ប្រជាពលរដ្ឋ (ជាពិសេស ស្ត្រី និងក្រុមប្រជាជនងាយរងគ្រោះ/បាត់បង់ឱកាសក្នុងសង្គម) និងដើម្បីសម្រេចឱ្យបាននូវការអភិវឌ្ឍសេដ្ឋកិច្ច-សង្គម និងយុត្តិធម៌នៅកម្ពុជា។ ពួកគេស្វែងរកការផ្លាស់ប្តូរនៅក្នុងជីវិតរបស់ស្ត្រី និងសង្គមជាតិទាំងមូល តាមរយៈការគាំទ្រដល់ការកសាងអំណាច/ភាពអំណាចដល់កម្មករស្ត្រី ដើម្បីឈានទៅសម្រេចបាននូវសិទ្ធិរបស់ពួកគេ។